Alles was aktuell isch flatteret da ine...

;-)

Euses Hotelzimmer in Buenos Aires isch mega schön, nur leider hät de Wetterbricht nur rege aagseit über die Täg womer da sind...

Jänu... Mer packet eus guet ii und gönd trotzdem id Stadt go luege...

Bueos Aires isch e mega fasetteriichi Stadt, arm & riich isch so nöch binenand...

Mer händ einiges a KM zFuess zrugg gleit aber ohni U-Bahn gaht da nüt, isch mega iidrücklich gsi aber mir freuet eus uf s Ländliche Gebiet vo Bariloche obohls au 140000 Iwohner hät...

Da scho mal es paar Bilder vo Bariloche daser en chliine iidruck bechömet wies da so chli usgseht... (Bariloche die Schweiz von Südamerika) ;-)

In Bariloche hämer eus sehr wohl gfühlt: Berge, See und unglaublich schöni Szenerie. (Ich glaub d Bilder sind gnueg ussagekräftig).

Au drum will mer immer mega liebi Lüüt um eus ume händ dörfe ha: Gastfamilie, D Profesoras & nöd zletscht eusi Schuelgspändli (Silvia& Corinne) womer vill und gern Ziit verbracht händ.

D Escuela isch für eus megastreng und sehr intensiv gsi... und ihr wüsset ja wie gern das mir früener id Schuel gange sind :-)) Aber guet isch d Marlis e so e fliisigi, denn hani au nid chöne schlüüfe... ;-)

Spass bi siite... mir händ euse Sprachrucksack ezt mal bödelet und jetzt gahts as fülle...

Jede Tag bringt ja schliessli wider es paar Wörter mit sich wo au i eusne Köpf früener oder später hange bliibet ;-) mer händ ja no "chli" Ziit.

Nachdem mer d Spanischschuel und Bariloche hinder eus glah händ simer wiitergreist uf Puerto Madryn.

Das Städtli wo vo de Aluminiumherstellig & näbet em Turismus vom Fischfang läbt, isch e Hochburg fürd Taucher(heissts zumindischt) :-)

Für eus isches en Ideale Usgangspunkt fürd Península Valdés.

D Fauna uf de Península isch unvergliichlich: Pinguine, Seelöwe, Seeelefante,...bis hin zu Wale & Orcas (was mer aber leider keini gseh händ)

Defür hämer bim whalewatching dörfe 3Müetere &ihri Babys (wo au scho 10m lang sind) beobachte... Tüür aber e unvergässlichs Erläbnis gsi.

Bald gahts as Endi vo de Wält...

Mir sind scho gspannt wie Pfiilböge :-)

Womer de Bus buechet händ hets gheisse mer heget 30 Stund... puhh hämer dänkt...

Aaalso mer sind ca. 1 Stund underwägs gsi hämer s erschte mal müese de Bus wächsle. Im 2. Bus häts gheisse chönd mer sitze bliibe bis am nöchste morge am 6i... oder au nöd... mer sind denn mal i de Nacht verwachet und hend feschtgstellt das mer irgendwo i de Pampa ufm "Pannestreife" stönd. De Steward vom Bus het eus denn informiert das mer e Panne hend... Ich ha scho Angst becho dass mer euse Aschlussbus verpasset obwohl i glueget han das mer 3 Stund Ziit hend zum de Bus wechsle. Nach 1 1/2 Stund simer denn wiiter gfahre an nöchste Busbahnhof, doch mit wiiterfahre isch nüt gsi... de Chaufeur hät denn gmeint mer chönget erscht am 6i wiiterfahre bis denn sött en Ersatzbus da sie. Suuper hämer dänkt .... Aschlussbus flöte.

Mer händ denn scho demit grechnet das mer müend übernachte und denn am nöchste Tag wiiterfahre... mer händ denn aber Glück gha will e anderi Busfirma no Platz gha hät, hämer die nöchste ca. 5 Stund Firstclass dörfe fahre und dementsprechend guet gschlafe ;-)

Anstatt d Füess chli vertrette in Rio Gallegos (wie planet) simer bereits nach 20min wiitergfahre.

(Aso wider umgstige)

Wiiters Richtig Chilenischer Grenze... Am Zoll hend ali Pasagier müese usstige ine Reihe stah und d Rucksäck vor sich an Bode stelle damit de Hund hät chöne dureschnüffle...

Mer händ alles in allem über 1 1/2  Stund gha bis mer händ dörfe wiiterfahre... Ich han de euse Steward gfröget ob das immer so lang gaht, er het denn gmeint nei aber euse Bus hegi Droge im WC versteckt gha...suuuper! gnauers het er aber nöd welä säge...

Aso wiiter simer über Schotterstrasse tuckerlet und händ sGfühl gha mer chömet nüme aa.

Nach 35 Stund Busfahre hämers endlich gschafft und sind in Ushuaia (de südlichste Stadt uf Erde) acho.... Jipiiiii

Ushuaia, die südlichsti Stadt vo de Welt.

Vermarktet als «El fin del Mundo»

Isch sehr touristisch und alles kostet es heide Gält…

Irgendwo au verständlich das vom Klima her nid möglich isch

zum gross öpis ahbaue. Es mues alles importiert werde. Alles wo ufm Landweg uf

Ushuaia chunt, mues durch Chile, drum chömet no Zollgebüre dezue.

Mer händ e hübschi Underkunft gha leider ohni Chuchi… aber

usswerts «müese» gah isch ja au nid soo schlimm ;-)

Mer sind in Nationalpark «Tierra del Fuego» en ganze Tag go

wandere und händ s Endi vo de Wält uf eus würke lah… vo «fin de la ruta 3»

sinds nid mal me 1000km zur Antarktis.

Dementsprechende chalte und starke Wind isch eus da umd Ohre

pfiffe… ;-)

Nach Ushuaia & Tierra del Fuego simer mit em Bus uf

Punta Arenas gfahre

Die farbefrohi Stadt liit direkt a de Magellanstrasse wo früener en wichtige

Güeterumschlagplatz gsi isch, Praktisch de ganzi Schiffsverkehr isch deht

duregfahre…

Sit em Bau vom Panamakanal hät die Stadt &

Magellanstrasse recht stark a bedütig verlohre.

Mir händ deht euses Auto übernoh und eus ufgmacht zum Parque

National Torres el Paine.

Euses Timing isch halt nid so guet gsi, isch bereits

Hochsaison und scho recht buechet gsi.

Da mir eus ja wider wiit im vorus informiert händ (aso ebä

nöd) hämer no müese 2 Nächt warte bis mer in Park hend chöne.

De Nationalpark isch es Mekka für Hiker und sehr bekannt au

für de sogenanti W-/O-Trek.

Die Treks gönd 5- 8 Täg mit Übernachtigsmöglichkeite im

Refugio oder Zältplatz. (mir sind nur ein Tag gange;-)) de Rescht vom riesige

und eher karge Nationalpark erkundet mer fascht am beschte mit em eigene Auto

da Priise durch Decki gönd. Büs und Übernachtige choschtet es heide Gält. Mir

händ für 2 Übernachtige ufm Camping umgrechnet CHF 64.- zahlt und denn no de

Parkiitritt vo ca 30.-, was d Büs choschtet möchti eigentlich gar nid wüsse,

mer händ nur ghört sie seget tüür ;-D

Wiiter het eus eusi Reis wider zrugg uf Argentinie gnauer uf

«el Calafate» an berüemte Perito Moreno Gletscher gfüert… eifach nume WOW!

A de höchste stell ragt er 70 Meter usem Wasser use! Mer

mues nid gnau lose zum s`grolle & s`dunnere ghöre vom schaffende Gletscher… uf de Route

deht herä simer e gfühlti Ewigkeit uf de alte «Ruta 40» gfahre (die isch wie wend würsch

durch es Bachbeet fahre ;-D) und durch die berüemti «Pampa». Km wiis nada y

nada…

In «el Chaitén» (Parque Nacional de los Glaciares) hämer eus

ufe 3-Tages Wanderig under anderem zum «Fiz Roy» ufgmacht. Am erschte Morge zwar

riife ufem Zält gha… brrr… aber defür perfekts Wätter & keis Wülchli am

Himmel!

Am 2te Camp het s Wätter möge chere und mer händs Zält am nöchste Morge müese nass zämenäh... sind denn aber rassig usem Räge cho und wider is schöne gwanderet.

Nachdem mer wider zrugg im Dorf gsi sind hämer doch tatsächlich ALLI eusi Gspändli vo Bariloche  wider troffe (per Zuefall) :-)

Im «Parque Nacional Perito Moreno» hämer en Zwüschestop

gmacht (inkl. Radwechsel, da nach 2 Täg de blöd Pneu amigs fascht flach gsi

isch und da häsch halt mal 300km kei Tankstell zum rasch pumpe) bevor mer via

em wunderschöne Paso Roballo wider uf Chile gfahre sind.

Uf de «Caretera Austral» ( das isch d Hauptverbindigsstrecki vo Nord nach Süd in Chile) häts eus denn richtig Norde zoge is

chline Dörfli «Puerto Rio Tranquilo» womer eusi erscht Gletscherduschi händ dörfe

gnüsse… gopferteli isch das chalt gsi…brrrrr… ;-)

Nacheme Bsuech i de «Cueva de marmol» continuamos nuestra viaje hasta la « Isla

Balmaceda »

Uf d Wienachte hämer eus es Hüsli gmietet mit Schwedeofe,

mega schön, warm & troche… muy lindo! AAAAABER…

Nacheme schöne Heilig Abig hämer am 25ste welä go laufe…

hend gad no en Kafi gmacht, denn fangts a schüttle aber so richtig… Terremoto (Erdbeebe

stärki 7,2) hei hät das tue… no de Schock am verdaue gaht de Evakuierigsalarm

ab wege Tsunamigfahr… «tranquilo» hät euse Vermieter gseit chunt scho keine…

Mir aagspannt wie mer gsi sind hämer aber trotzdem eusi Sache agfange iilade

und s Auto startklar mache… wärend dem chunt euse Vermieter halbe in Panik z

ränne «FUEGO, FUEGO»!!! Erscht denn hemer gseh das sis Gartehüsli in Flamme

staht, wärend dem ich gholfe ha lösche sind denn au scho d «Bomberos y

Carabineros» cho.

De einti het denn zu mir gseit: muesch nid hälfe, nimm dini

Fründin und verlönd d Insle, mer händ Tsunamiwarnig!!!

Gesagt getan… 80km «ripio» gfahre immer mit Blick in

Rückspiegel… di vorne aacho isch denn aber d Entwarnig cho… Ok, denn halt wider

80km zrugg da mir nomal e Nacht zahlt händ ;-D

Isch es Erläbnis gsi… hei ei ei… Mir händ aber trotzdem guet

gschlafe :-)

In Chaitén simer am Morge früeh durch de Näbel& Nieselräge

uf de «Vulcano Chaitén» g chraxlet, hend dobe 3 Stund uusgharret und uf bessers

Wätter ghofft. Mer sind belohnt worde…

De Vulkan isch immerno aktiv und dampfet überall use. S

letschte mal het er im 2008 gspuckt und de halb Bundesstaat under de Äsche

begrabe… iidrücklich gsi…

Ufem abeweg vom Vulkan lauft eus doch d Corinne wider über de

Weg :-D hihi

Nacheme wunderschöne «Sendero de la Cascadas» (usgseh wie im

Märli) hämer uf dem Camp gad übernachtet…

Nachere nöd vorbuechete Fähre (was mer normal macht :-D) vo Caleta Gonzalo bis Hornopirén und

eme richtig luschtige Silvesterabig in Ensenada, womer vo Iheimische iiglade worde sind zum

mit de ganze grande familia ässe und fiire, hät sich euse Autotrip bis nach

Puerto Montt langsam am Endi zue gneigt…